"БИК КУРКЫНЫЧ ИДЕ МОНЫ КҮРҮ..."

Софья Перовская урамында күпкатлы йорт янында яшь кызның үле гәүдәсе табылган. Аңа 20 яшь тирәсе булган.

Шаһитлар сөйләвенчә, ул төнне елашкан һәм акырышкан тавышлар ишетелгән. “Тәүдә хатын-кыз елаган тавыш ишетелде. Аннары ир-ат кычкыра башлады”, – дип сөйләгән әлеге йортта яшәүче бер ханым.

Ә бераздан җирдә кызның үле гәүдәсен күргәннәр.

“Бик куркыныч иде моны күрү... Соңрак әнисе һәм туганнары килде. Аларга каравы жәл иде...” – дип бәян иткән шаһит ханым.

Якынча фаразлар буенча, яшь кыз югарыдан егылып төшкән. Ашыгыч медицина ярдәме машинасы килгәнче ул инде җан биргән.

Әле бу вакыйга буенча тикшерү эше бара.