Ә кулыңда синең сирень иде

АЛТМЫШ ҖИДЕНЧЕ БҮЛЕК

Айрат исәнме? - иң беренче сүзе шул булды Рәиснең. Ниндидер тәгәрмәч, кемнәрдер каты яраланган, машина дигәннәрен дә ишетмәде ул.Исән, кулы сынган, дидеме соң, Рәиснең бер мизгелгә аңы томаланды, йөрәген тотып, ничек кирәк шулай диванга утырып, гүя "катып" калды. Берничә көннән кайтам әти, хәбәр итәрмен дип, генерал бүлмәсеннән яңа шалтыратты бит әле. Очрашабыз дип, сөенеп йөргәндә генә.Эх, улыым, ниләр булды микән, ниләр булды... Фәгилә әби артык сөенмәгез, артык көенмәгез дип әйтә торган иде.Әллә мин дә артык сөенеп аттыммы соң?
Күңеле белән генерал Булатовка шалтыратырга талпынса да, йөрәге генә нидер сизенеп курыкты Рәиснең.Исән генә була күр балам, исән генә дип, кипкән иреннәре белән көчкә пышылдап зәңгәр күккә карады ул.Айрат, син дә күрәсеңме икән бу томырылып йөзгән мендәр болытларны?Аңыңда микән соң син?дип улы белән сөйләшеп, куркып кына телефонга кабат карап алды.Кулың гына сынмаган улыым, алай гына булса хәбәр дә итеп тормаслар иде бәлки.Нәрсәдер бар монда, нәрсәдер бааар.
Ул арада зарлана зарлана Зилә дә өйгә килеп керде.Бала-чага ясаган алдавычка тездән суга баткан хатынын күреп, башка вакыт булса , яңгыратып көлгән булыр иде дә, ә бүгеен.Кулын йодрыклап, иреннәрен генә чәйнәде Рәис.Берни эндәшми, агарып калган ирен күреп Зиләнең коты очты.Тиз генә йөрәк даруы белән сулы стаканны иренә сузып, алдына тезләнде.Рәис, ни булды?Рәис, диде ул куркып.Бер дә йөрәк дип, зарланганың юк иде бит.Скорыйга шалтыратыйммы?
Су эчеп, йөрәк даруын капкач ,Рәискә бераз хәл кергәндәй булды.Сагыш тулы күзләрен хатынына төбәде ул.
Зилә....безнең Айрат утырган машина әйләнгәнме, бәрелгәнме шунда, аңлап бетермәдем диде ул.Частән шалтыраттылар.Кулы сынган, үзе исән сау диделәр.
-Әйләнгәннәр?Кулы сынган?диде Зилә, үзенең ни әйткәнен дә аңламыйча.Рәис ә син нәрсә дип утырасың?Булатовка шалтыраттыңмы?..
-Юк, Зилә , юк.Ярый син кердең вакытында.Йөрәк тота иде.Хәәзер, хәзер шалтыратам, әз генә хәл алыйм да.
Син алайса утыр Рәис, утыр.Хәл ал, диде дә , Зилә калтыранган куллары белән генерал номерын җыя башлады.Бер җыйды, ике ...ләкин телефон трубкасын күтәрүче кеше булмады.Өч..дүрт..Дежур торучы бар бит индеее, ул алырга тиештер, ник ансы да алмый дип, җиденче тапкыр җыйганда гына трубканы алдылар.
Иптәш Булатов диюгә, генерал хәрби төгәллек белән, Зиләне тавышыннан танып алды.Әйе, Зилә ханым, бу мин Булатов диде ул.Борчылмагыз зинһар, бар да тәртип.Айрат та исән сау, кулы туйга хәтле төзәлер.
-Зилә , телефонны ире дә ишетелерлек итеп тавышын катылайтып, генералга эндәште:
-Нәрсә булган соң, иптәш генерал? Өйгә кайтам дип сөенеп йөргәндә генә.
-Тынычлан Зилә, Рәискә дә әйт, бар да тәртип.Эш белән Томбовка барганнар иде.Тәгәрмәчләре шартлап, каршыга килгән машинага бәрелмим дип, кырыйга төшеп киткәннәр.Томбовта анда военный врачлар, бик көчле .Киләм дисәгез, Томбовтагы госпиталь адресын язып алыгыз дип, адресны әйтте дә, генерал тиз генә саубуллашып телефонны куйды .Ләкин Айратның кулы гына түгел, башы да каты бәрелеп, хәзерге минутта комада ятканын әйтергә кыюлыгы җитмәде аның.Организм яшь, аталары килгәнче аңга да килер әле дип уйлады ул...
Рәиснең шушы кыска гына вакыт эчендә бөтен тормышлары күз алдыннан узды.Беренче классны әз генә укып, икенче класска күчергәч, ничек горурланган иде ул Айрат белән , ә медицина институтын яхшы билгеләренә генә тәмамлагач? Искиткеч сабыр, акыллы булган бит аның улы.Гел мактап , үсендереп тә торасы булгандыр, югыйсә, бала бит.Юк шул, Рәис үзе дә, Зилә дә мактау сүзләренә саранырак булдылар шул.Ярый әле , безнең урынга Фәгыйлә әби мактады, назлады, яратты.Эх менә шул вакытларны кайтарып булсамы, улын мактый-мактый күкрәгенә кысар иде,аның белән горурлануын яшереп тормыйча, әйтер иде... әйтер иде.Нигә соң, матур , җылы сүзләрне әйтергә авырсынабыз да, назлы кочакларны вакытында ача алмыйбыз.Улым мин сине яратам, я булмаса , хатын ярый әле минем син бар.Я-ә, авырмы шул сүзләр.Юк шул, без ирләр нигәдер корырак димме соң?Ярар, исән генә булсын да, өйгә генә әйләнеп кайсын.Менә ул вакытта инде, кочагымнан да чыгармам, аны биик каты яратуымны да көн саен әйтермен.
Аның уйларын хатыны бүлдерде.
- Рәииис, Рәис дим.Мәрткә киттеңме соң син, дип төртте ул иренә.Малай гына түгел, хәзер син дә куркытасың бит.Тыңла әле, иртәгә төштән соң Томбовка рейс бар, билетка заказ бирикме? Кулы гына сынган дип ятып булмас бит, барырга кирәк.
-Конечно, Зилә, конечно.Бир әйдә заказны.Түлке обратнога бирмә пока, улым терелмичә, кайтмыйм мин хәзер.Чукынып китсен эше, кайтсам Айрат белән генә кайтам, все.Альбина ташлап китмәгән булса да, бу хәлләр булмый иде , чурт.Өйләнешеп , балалар үстереп ятасы урынга.Нишләтәсең, бернишләп булмый.Ну менә шуны әйтәм,бер кеше тапмаса да, эзләп табам мин ул кызны.Улым хакына, таулар күчерергә дә риза .Ул гына исән булсын, ул гынаа...
Рәис шулай сызланып утырганда, Альбинасының үзенең дә йөрәге урынында түгел иде.Чөнки ул да бу хәбәрне телевизордан ишетеп белде.Тамбовта хәрбиләр утырган машина юл астына төшеп капланган .Бер агарды, бер кызарды Альбина.Ничә еллар узып, гафу итеп янына барам дип торганда гына бит.Юктыр ла, нәрсә дип ахмак уйлар уйлап утырам ди инде.Сөйгәнем бөтенләй Тамбовта түгел бит, Маршанскийда бит,дип үзен тынычландырырга тырышты ул.Аннары бар да исән, үлем җитем юк диделәр.И, ходаем , нәрсәгә кирәк булган бу кыядай горурлык.Ни булса да, бер беребезне гафу итәбез дип сөйләштек бит инде югыйсә, дип уйга калды Альбина.Дәү әни әйтмешли, өйләнгән булса,нуҗели бу гомер хатынын алып кайтмас иде ул.Юуук, булды җитәр.Күпме болай каңгырап йөрергә була.Ялга кайтуга, кочагына атылам, Алла бирса.Аннан башка , бала чактан яралган мәхәббәтемнән башка, яшәү яшәү түгел .
Шушы минутларда,өзелеп-өзелеп аны гына яраткан Альбинаның һәм ул гына дип яшәгән әтисенең дә күңелләренә юшкын утырды.Үзләрен күпме генә ,бар да яхшы дип, юатырга теләсәләр дә, сөю тулы йөрәкләре сизенде.Айрат белән нидер булган.
Хәттә таш кебек каты багырьле Зилә дә, үз гомерендә беренче тапкыр үкенеп куйды.Рәисе яңартылган зур, уңайлы йокы бүлмәсенә кереп китүгә , тәрәзә каршына килеп Санияләрнең өенә текәлде ул.Бәлки мин дә дөрес эшләмәгәнмендер .Альбинага өйләнгән булса, хәзер чынлап та яныбызда булырлар иде, дип уйлады ул.Нигә һаман шул Саниядән көнләшәмдер инде, нинди иптәш кызлар идек бит яшьлектә.Ә ул горур шул, семья белән шундый булдылар да.Араларын мин бозганга , ул үпкәләп йөрисе урынга мин көнләшеп йөрим.Ә бит Рәискә бер сүз әйтмәде Сания.Ул вакытта минем ни кылганнарны белсәәә , ни зачто миңа өйләнми иде Рәис.Ярата иде шул Санияне, ярата иде.Тәрәзә челтәрен күтәреп күккә карады Зилә.Тонык кына ялтыраган ай да, ничектер сагышлы булып тоелды аңа.Чекерәеп торган йолдызлар да болыт астына качып, берән сәрән генә күренеп күз кыса.Ә бит яшь чакларда , кичләрен бүрәнәгә утырып, күпме йолдызлар санадык.Ул вакытта ай нурлары да ничектер якты, саф, йолдызлар да янып тора кебек иде.Әллә миңа гына шулай тоеламы?Яшь вакытлар диген.Зилә авыр сулап яшьлек елларына кайтып килде.Бәлки Сания белән яңадан дуслашып караргадыр.Түлке гафу итәрме? Альбина үзе дә болай начар кыз түгел инде.Улымның бәхетен үз кулларым белән җимердем бугай бит.Аларның бер берсен ничек яратканнарын белә торып, ниләр әшләдем.Министрлар кирәк булды мин җүләргә, министрлар, нәчәлникләр.. Рәис белән улым бу хакта белсәләрмее, берсе дә гафу итмәячәк бит мине, берсе дә...
Ире янына кереп яткач та, телләрендә Айрат кына булды.
-Их, Зилә, кайтам дип сөенеп йөргәндә генә бит.Ничек микән хәзер улыбыз? Кулы гына сынган дип, генерал алдый.Точно алдый.Мин аны сөйләшү тоныннан ук аңладым.Хатыын, менә теге вакытта Альбинасы ташлап китмәгән булсааа, син ничек уйлыйсың?Айраттан бәхетле кеше булмас иде.Без дә хәзер оныклар яратып, сөенер идек име бит.
Белмим Рәис, диде Зилә, белмииим...Альбина белән бәхетле булыр идеме икән, юкмы.Язмыш, дибез инде.Хәзер менә главный Айратның исән сау булуы.
Әйе, син хак.Иң мөһиме хәзер аның исәнлеге.Иртәгә янына очарбыз Алла бирса.Менә Альбина да безнең белән булсааа..
Ярар Рәис йоклыйк әйдә.Син дә гел шул Альбина дип тормале.
Икенче көнне Рәисләр Казанга килеп җиткәндә,Ахуныч аларны көтеп,аэропортта утыра иде инде.
Рәис, мин генерал белән сөйләштем.Машиналары чынлап та юл кырыена төшеп әйләнгән икән , диде министр.Сездән яшереп тору бесполезно, син белеп шикләнгәнсең ...Айратның...ни...башы каты бәрелгән.Но тереләчәк дигәннәр.
Әйе, дустым, сиздем лә мииин, диде Рәис көрсенеп..Что то не то , дип әйттем инде Зиләгә.Точносын баргач күрербез, исән генә була күрсен улым, исән генә..Кайтам дип торганда гына бит.Рәис , ирексездән бәреп чыккан күз яшьләрен сөртеп, трапка таба атлады.Рәхмәт Ахуныч, диде ул әкрен генә.Рәхмәәт.
Менә алар Томбовта.Самолеттан төшүгә, көтмәгәндә яннарына ике хәрби егет килеп басты. Рәис Хәкымыч, сез буласызмы ?диде берсе, честь биреп.Безне генерал җибәрде.Сезне хәрби госпитальгә озатырга приказ алдык.
Әйе, мин Рәис Хәкимович.Мин булам дип, Зилә белән икесе тегеләр артыннан иярделәр.Егетләр белән ни булгансың, хәлләре ничек дип сорасалар да, тегеләре баш кына селкеттеләр.
-Не положено.Баргач, үзегезгә аңлатырлар.Ерак калмады, хәзер килеп җитәбез..
Борылыштан чыгуга, Рәиснең күзе каен агачларына күмелеп утырган бинага төште.Шушыдыр инде дип уйлап җитешмәде, машина чыжылдап ишек төбенә килеп тә туктады.Гарнизонный военный госпиталь, диде хәрбиләрнең берсе, ишек ачып.Айрат Раисович шушында ята.
Ята...бу сүзләрне әллә каян , томан эченнән ишеткәндәй булды Рәис.Нәкь шул минутта бөтен дөнья караңгыланып киткәндәй булды.Аяклары тыңламыйча, җирдән көчкә өстерәлеп, әчкә атладылар. 

АЛТМЫШ СИГЕЗЕНЧЕ БҮЛЕК

Әле Айрат турында берни белмәгән Зиләнең, ирен бу хәлдә күреп йөрәге өзгәләнде.Улымның кулы төзәлер, яралары да, , яшь организм бит, дип уйлады ул.Ә менә Рәис белән ул бу була калса нишләрмен.Утыз ел аның җылы канаты астында рәхәтләнеп яшәгәнмен бит.И ходаем, улым белән Рәисем генә исән булсыннар.Бүтән бер вакытта да аларның бәхетенә үрелмәс идем.Хәттә чыпчык ,килен була калса да риза.Исән генә була күрсенәр, исән генәә.Баскыч култыгына тотынып икенче катка көчкә менеп барган ирен, беренче тапкыр ,кочагына алып назлыйсы, юатып иреннәреннән үбәсе килде таш Зиләнең.Моңа хәтле бит ул, үзен генә назлыйсы, аны гына яратып , аның үзенең генә көен көйләп яшисе дип уйлаган иде.Менә хәзер генә , ирләрнең дә кадерләрен белеп яшәргә кирәклеген аңлады да ул, ләкин соң була күрмәсен иде инде.
Айрат яткан бүлмәгә якынайган саен , Рәиснең аяклары авырырак атлады.Әйтерсең лә йөрәге , җаны түгел, ә менә аяклары нидер сизенеп, артка чигенде аның.Рәиснең бу халәтен күреп, озата барган хәрби хирург, аны стена буендагы яшел йомшак кушеткага утыртты.
Болай булмый, дус кеше.Утырыгыз әле, дип медсестраны чакырып, уколга җибәрде дә, үзе Рәиснең кан басымын үлчи башлады.Тынычланыгыз, бар да яхшы булыр, диде ул.Әллә нинди авыр яралардан алып калдык инде без егетләрне.Ә Айратның, дөрес башы каты бәрелгән, но тиздән аңына киләчәк ул.Мин моны сезгә ышандырып әйтәм .Без дә аны гел күзәтеп торабыз, ялгыз калдырган юк.Ә ул аңга килеп, сезне бу хәлдә күрсә нишләр?Давай, булды , үзегезне кулга аласы.
Урта яшьләрдәге медсестра укол ясагач, Рәис чынлап та бераз җиңеләеп калды.Әйе шул, доктор, диде ул.Переживать итми дә булмый, карап торган бердәнбер малаем бит.
-Ничего, ничего ,все будет хорошо.Әйдәгез,дип, доктор Айрат яткан палата ишеген ачты.
Рәис бар көчен җыеп, калтыр-калтыр килеп палатага таба атлады. Улы янында утырган Булатовны да күрмәде ул,янында басып торган медбратны да.. бары йөрәген тотып улына , бердәнберенә карап катып калды.Башы бинтлар белән уралган, кулын ниндидер тимерләр белән күтәртеп бәйләгән аңсыз улын күреп , кулларын йодрыклады Рәис .Хәзер ул үзе дә ни булса да уйларлык хәлдә түгел иде.Ул үзе дә хәзер ярты аңсызланды.Дүрт пар күз нидер өмет итеп , Айратка төбәлделәр.Бер ара палата да тирән тынлык урнашты.Ләкин шул минутта Рәис артында нәрсәдер гөрселдәп идәнгә килеп төште.Берни аңламаган ирләр, күзләрен Айраттан алып, артка борылдылар.Ә андааа...ике кулы белән башын чытыртатып тоткан Зилә ята иде.Рәис калтыранган куллары белән Зиләгә ябышты.Моңа хәтле тыелып торган күз яшьләре, хатының битләренә тамып, әкрен генә күлмәк эченә кереп югалдылар.Нәрсә булды соң әле бу, иптәш генерал , дип пышылдады Рәис.Доктоор, нәрсә булды?
Рәис нидер аңлаганчы, Зиләне инде каталкага салып реанимация бүлегенә алып киткәннәр иде.Инсульт бугай , диде доктор , шуңа ошаган.Сез монда калыгыз..Бу сүзләрдән Хәкимыч үзе чак егылмады.Нишләргә соң әле,нишләргә дип, улының сынмаган кулын күз яшьләренә чыланган иреннәренә тиерде.Улыыым, мин бу әтиең ,диде ул.Улым, ач әле күзләреңне, әниең дә авыртып китте бит.Әйдә тор да өйгә очабыз.Үзебезнең больницада дәваланып бетәр идең әле.
Ләкин Айрат кына күзләрен ачарга ашыкмады.Берара палатада пип пип килеп эшләнән аппарат тавышы гына ишетелеп торды.Рәис назлап кына улының битеннән, күзләреннән үпте, одеялын рәтләп куйган булды.Аңа шул вакыт ,хәттә Айрат кулын да селкетеп куйгандай тоелды.Рәис, өметләнеп улының хәрәкәтсез калган кулларын сыйпады.Ләкин Айрат кына селкенмичә ятуын белде..Улы урынына үзе ятарга да әзер иде ул, тик Айраты гына исән булсын.Рәис, дулкын чәчләрен учына кысып,уйга баткан генералга карады.Тегесе дә үз уйларына чумган иде хәзер.Ярый әле кан мазар кирәк булмады , дип уйлады ул.Зиләсе әйткәнчә, үз малае түгел икәнен белсә, бөтенләй нишләр иде микән хәзер Хакимыч?Ә бәлки.... әйтсәм?Ничек булыр иде?...
- Иптәш Булатов...Иптәш генерал, сезгә әйтәм, дип кабатлагач кына ,ике ут арасында янып сагышка баткан Рәискә карады генерал.Иптәш Булатов, диде Рәис әкрен генә, бәлки Мәскәүгә Склифосовский больницасына күчереп караргадыр, ничек уйлыйсыз?Анда аппаратлар да көчлерәктер бит.
Уйлаган идек инде Хакимыч.Бу турыда уйлаган идек.Ләкин мондагы врачлар то же опытный, пока кузгалтырга ярамый диделәр.Бер атна булса да ятсын диләр шул.Военный вертолет , ул яктан һәрчак әзер безнең.
Генералның вертолет әзер , дигәнен көткәндәй генә, палата ишегеннән берәү башып тыгып, аны хирург бүлмәсенә чакырды.
Җитез адымнар белән чыгып барган генералны күзләре белән генә озатты да, Рәис торып тагын улы янына килеп басты.Тирән күлдәй сагыш баскан күзләре белән газизенә төбәлде ул.
Их, Айрааат , син кайта дип сөенеп йөргәндә генә бит, диде ул.Үзеңә яңа зур бүлмәләр дә ясаган идек.Әниең ничек микән,хәзер киләм дигән иде, хирург озаклады че то.Син улым, давай юләргә салышып ятма монда.Мин килгәнче күзләреңне ачасы яме.Мин хәзер әниеңнең хәлен генә белеп киләм.Инсульт дигән булдылар, ну мин ышанмыйм.Бик көчле бит ул безнең, бик көчле.Алай гына бирешә торган кеше түгел ул Зилә.
Ләкин , дөнья булгач,тигез юлдан барган кеше дә бер сөртенә дә, көчле дигән кеше дә бер егыла.Усал даны чыккан, көчле Зилә белән дә, бүген нәкъ менә шушы хәл.Хәзер ул ята әнә , үзе белән ни булганын аңламыйча.
Рәис нишләргә белмичә әкрен генә кабинет төбенә килеп басты. Дөп-дөп типкән йөрәген бераз басарга теләгәндәй, кулы белән тотып, куркып торганда, ачык калган ишектән доктор аны күреп, үз янына чакырды .
-Хакимыч! Керегез әле, әйдәгез , әйдә диде ул.Әгәр дә хатыныгызны данный момент Мәскәүгә җибәрсәк, сез каршы түгелме?Булатов вертолетны согласовать итте, дип җитди генә Рәискә карады. Безнең Мәскәү белән экстренный случайларда договор бар.Анда бик көчле хирурглар и аппаратура да аларда икенче инде.
Берсе өстенә, берсе килеп туган баләдән Рәис , уйларлык хәлдә дә түгел иде.Шулай да үзендә ,хәле бик серьёзно мени ?дип сорарга көч тапты.
Әйе, дустым, мондый хәлдә, обычно әниләр каяндыр көч табып, үзләрен кулда тота иделәр.Хатыныгыз гына ничектер бик авырга алды.Кызганычка каршы,хәзер үзенә срочно операция кирәк.Дөрес, үзебез дә алыныр идек, но генерал үзе, предлогать иткәч, без ризалашмыйча булдыра алмыйбыз.
Раз шулай кирәк дип саныйсыз икән инде, әлбәттә мин каршы килмим диде Рәис.Бәлки бер рәттән малайны да алырсыз?
Юук, Хакимыч, юк.Булмый.Айратны пока кузгалтырга никак ярамый.Тиздән аңына киләчәк ул егет.Мондый случайларны дустым, күп күрдек инде.Бар да әйбәт булыр.
Зилә белән миңа да очаргамы? Минем ярдәм кирәк булмасмы?
Юк, дустым, диде доктор.Юук.Анда сезне барыбер тиз генә кертмиләр.Без Мәскәү белән хәбәрләшеп торырбыз.Телисез икән, монда гостиница бар.Урнаша аласыз.Айратның үз аңына килгәнен көтәм , дисәгез инде.Менә шундый хәлләр.
Әйе, генерал, рәхмәт.Шулай итәрмен, дип , саубуллашып чыгып китте Рәис.
Менә шундый хәлләәәр, дип кабатлады ул, Айрат яткан палатага кереп.Бер- ике көн элек кенә шатлыгымнан бар дөньяны кочасым, үбәсем килә иде.Ә бүгееен..Улым бәгьрем комада, утыз ел бергә гомер кичергән хатыным Зилә аңсыз.Нәрсә бу? Кемнеңдер каргышымы, әллә Ходай тагаләнең берәр кисәтүеме...Рәис, җансыз бер робот сыман улы янына килеп утырды.Менә шулай улыыым, язмышлармы бу, ялгышлармы ?диде ул , тамагына утырган төерне көчкә йотып.Син хәрби хезмәттән китә алмадың инде.Ә без? Башын комга тыккан страус кебек , берни күрми яши бирдек.Эзлисе иде бит шунда Альбинаны, табасы иде.Бәлки бу куркыныч хәлләрнең берсе дә булмый калган булыр иде.Борынгылар әйтмешли, терсәк якыыын, тешләп кенә булмый.Гомерләр гел шулай,бер көе генә барыр дип уйладым шул улым мин дә.Ләкииин, ялгышканмын.Ял-гыш-канмын...Ә урамда ярсу язлар..Сирень шомыртлар бөре ата, сыерчыклар сайрый...Колхозымда кызу эшләр чоры башланды, алда чәчү сезоны...Менә, минем күзгә генә ак кара күренми.
Рәис Айраттан күзен алмый, уйлады да....уйлады.Эх улым, улым, вакытларны кире борып, ялгышларны төзәтеп булсамы?! Хәсрәт утларында янып утырыр идемме соң мииин?
Тәрәзә аркылы зәңгәр күккә карады Рәис.Монда да шул ук болытлар икән бит әнә.Әкрен генә безнең якларга агылалар.Альбинаң да шулай карый микән бу болытларга улым?Ул да ярата микән каен шаулауларын.Сорарбыз әле яме, сорарбыз.Җәй көне син терелеп кайтуга, кайтмый калмас әле ул да.
Әйе, Альбина да ярата, пар атлардай чапкан болытларны күзәтергә.Лепер-лепер итеп сөйләшкән каеннарны да тыңларга ярата.Ләкин, бүген генә вакыты юк әле.Томбовтан авыр хәлдәге хатынны алып киләләр дип, срочно операционныйга җыйдылар әле аларны...

Дәвамы бар.

(Альфира Кадырова-Гайфутдинова)