Ә кулыңда синең сирень иде

АЛТМЫШ БИШЕНЧЕ БҮЛЕК

Алисә Кәримен яратып күтәреп алды да, Зиләгә күңелле ял теләп, башка кунаклар янына таба китте.Әйдәле улым, бабаеңны котлыйк әлее.
Зилә шаккатып Алисә артыннан карап калды.Йөри торгач акыл кергән бит моңа, дип уйлады ул.Ире кем микән?
Мәҗлес күңелле генә дәвам итте.Кунаклар да хәйран гына кыза төштеләр.Министрлар, җитәкчеләр дисәң дә, күбесенең тамырлары авылдан бит.Әллә шуңа, Күбәләгем, Ай былбылымны да матур гына итеп җырлап алдылар.Кунаклар рәхәтләнеп биеделәр, җырладылыр,теләкләр дә теләнде, ,бәллүр фужерлар зеңгелдәде.Шулай шау гөр килеп утырганда , залга челт итеп үтүкләнгән кара чалбар, ак күлмәге өстеннән куе зәңгәр төстә галстук таккан бик матур егет килеп керде.Бар кунаклар белән елмаеп исәнләште дә, кулындагы бик матур чәчәк бәйләмнәренең берсен Алисәгә, берсен Ахунычның хатынына бүләк итте.Аннары үзенә төбәлгән йөзләгән күзгә ихтибар итеп тормыйча Алисә янындагы буш урынга килеп утырды.
Вальмир түгелме соң бу? дип пышылдады Рәис, хатынының колагына.Кара әле,урамда күрсәң танымассың да.Полный нәчәлник рәвешләре кергән.
Хатынына яратып кына карап утырган Вальмирны күреп, Зилә ничектер югалып калгандай булды.Малае белән "сары чыпчык"ны аерыр өчен , ниләр генә эшләмәде бит ул,,болар белән.Вальмирны фотога төшереп, Айратка бирсә, Алисәнең болай да янган йөрәгенә ут өстәп, әздән генә әнә кабергә кертмәгән.Ә язмыш бернигә карамый , аларның икесен бер матур пар итеп бәйләп тә куйган.Бәхетле икәннәрен сорап та торасы юк, әллә каян күренеп тора.
Курчактай балалары да бик тере күренә. Тек тек итеп ,әле бабасы , әле әтиләре янына килеп басып, мәҗлескә ямь өстәп чырык-чырык көлә.Менә сиңа мәәә, Алиса-лиса дип уйлады Зилә.Башы әшләгәч Вальмир да әнә, мин- министр кияве генә дип утыра.Айрат кебек биш-алты ел казарма идәнен таптамый.Ахунычларны карале син, баланы нишләтергә белмиләр.Ә без, икебез ике почмакта.Айрат бөтенләй әллә кайда.Ашарына кем әзерли, кем керен юа.Авыр вакытларында кем назлап үбә.Малаен күн итек киеп, казармада кәбестә ашы ашап утыра итеп, күз алдына китергән Зиләнең күзләренә яшь бәреп чыкты.Әз генә мин минлеген җиңә алган булсааа, Айраты да хәзер дусты Вальмир белән чөкердәшеп утырган булыр иде бит...Елап җибәрүдән куркып иренә карады ул.
- Рәииис, кайтасы юл ерак , әллә кайтыйкмы инде?диде , пышылдап кына.Соң да инде.
Ярар , ярар, кайтырбыз.Тәнәфескә чыгып саубуллашырбыз да,яме, дип Рәис башкаларга кушылып җырлый башлады.Берсен киссәң ялгыз кала, ялгыз нишләргә кирәәәк?
Зилә дә авыз эченнән генә мыгырданып куйды, ялгыз нишләргә кирәк.Бар да парлы, уйныйлар көләләр.Ә Айрат? Зилә йөрәген тотып, су әчә башлады.Әйтерсең лә, кара тулы йөрәгенең януын шул су баса да, эшләгән гөнахларын күз яшьләре юа.
Зиләсенең яшькә чыланган күзләрен күреп, Рәис аптырап хатынына карады.
Нәрсә булды, елыйсың что ли?диде ул.
Юк, юк.Тушь керде күзгә, шул гына дигән булды Зилә.Кайчан тәнәфес булыр микән?
Ләкин бераздан керфекләрен буяган тушь чынлап та күзенә кереп, әчеттерә башлады.
-Рәис, машина ачкычын бир әле, мин сине шунда көтәрмен.Ашыкма яме, әйбәтләп саубуллашып чыгарсың дип пышылдады да, аяк башларына гына басып, ашыгып чыгып китте.
Стоянкадагы яңа яхшы машиналарын ачып, көчкә кереп җитеште Зилә.Аның үксеп-үксеп елавыннан хәттә машиналар селкенгәндәй булды.
Эх улыым, улым.Вальмир урынында күкрәк киереп син утырасың иде бит.Шул Сания кызы гына бәхетсез иттеее.Күрсәң иде син Алисәне.Күзләрне алып булмый хәзер аннан.Әнә бәхет нишләтә кешене.Ә син?Алты ел була бит тиздән улым.Шул чыпчык дип чисти беттең бит индеее.Хәзер әнә эшли башлаган ди бугай үзе.Атасы берәүгә сөйләп торган .Кәнишне, ясарсың операцияләрне, ул хәтле укысаң.Чебеннән черки ясарга була.Әллә нигә бер кайтып китеееп.Ансында да бит әле, күргән кеше күрде, күрмәгәне юк.Нәрсә дип качып йөргән буладыр, үләрсең рәвешләреннән.
Яңа гына үзенең эшләгән әшәкелекләренә үкенеп утырган Зилә, бар гаепне Альбинага аудара башлады.Үз ялгышларын шул күрше кызына аударып, бераз җиңеләеп калды ул.Әйтерсең лә яшьлек елларында Рәисне иптәш кызыннан ул тартып алмаган да, бердәнбер улының бәхетен дә ул чәлпәрәмә китермәгән.Ул гына сөттән ак, судан пакь.Ә Альбина җир бит, Айратның бәхетен урлаган да, хәзер качып йөри.
-Йөргән буладыр инде шунда , хирурглар янында тәлинкә тотып.Беткән ди анда хирурглар, чыпчыктан башка.
Зилә җенләнеп урамга карады.Бу ир кисәге дә кая соң инде, әә?Төн урталары җитте бит .Керсәм инде?дип ишеккә тотынган гына иде, яше булуга карамастан, егетләрчә җил җил атлап чыгып килүче ирен күреп, кире уйлады.
— Тоттың да чыгып киттең түгел бит әле Зилә.Пока тәнәфес башланганчы, пока саубуллашканчы..
Бер сүз әйтмим бит Рәис, аңлыйм.Мин дә ял гына итеп утырдым.Вальмир белән сөйләшмәдеңме соң?
Ник син аларны күрмәдең что ли? Синең арттан ук чыгып китте бит алар, балалары күзсендеме шунда, көйсезләнә башлады.
Юук , күрмәдем.Мин шул машинага чыктым да утырдым инде.Алай каранып тормадым.
Алисә өчен сөендем әле Зилә, ди ди , машинасын кайтыр юлга борды Рәис.Вальмир да чын күңелдән ярата хатынын, күренеп тора.Ахуныч та кияү дип, үлеп тора.Молодцы.Әле бер больницага баш врач итеп куярга маташкач, Вальмир отказать иткән.Бабай мин үзем яме, дип әйтте ди.Алисә бит,Айрат дип, бөтенләй башын югалткан иде алайса.Ә бәләкәйне кара син, ятсынып та тормый, терт терт йөреп тора.
Әйе, Кәримнәре чынлап та,бик матур.Безнең дә шундый внук булсааа..
Булыр әле Зилә, булыр.Айрат хәзер , үз аягында ныклап басып тора .Альбина да ординатуралар, аспирантуралар бетерде диКамил.Операцияләр дә ясый башлаган.
Причем монда Сания кызы?.Мин Айрат дим, син ..
Зилә, тыңла әле.Синең кирелегең дип, бердәнбер малаемнан колак кагар хәлем юк.Башта чынлап та Вальмир белән күргәләгәч, бергә киттеләр микән дип уйлаган идем.Алисә белән күргәч сөендем әле.Айратка да әйтәсе булыр, эзләсен Альбинасын.Камил точно безне алдалый, нигә икәнен генә белмим.Может кызларын укуларын бетереп, эшенә өйрәнсен диләрдер.
Зилә ачудан кызары куйды. Может чынлап та кияүгә чыккандыр.Кич кайтып, кич китеп йөрмәс иде,диде ул.Чисти үлдегез инде шул сары чыпчык өчен.Җүнлерәк кеше баласы булса ярар иде.
Рәис җене чыгып, кисәк тормозга басты.Арттан килгән машинаның чүттән генә бәрелмичә, каты итеп кычкыртканына да ихтибар итмәде .
-Зилә ,ачуымны кыздырма ,яме.Син үзең кем соң?..Без кееем!?дип машина тавышын басып кычкырды ул.Аннары , артта бөялгән машиналарны күреп кузгалып китте.Кеше баласы өчен кырыкка ярыла әнә.Без Айратның алты елга якын, армиядә үзәкләре өзелеп, йөрәге янганга күз йомып, яшәп яттык.Барсы да шул синең сүз белән белән, синең аркада.
Ничек минем аркадааа?Альбинаның чыгып киткәненә мин гаепле дип әйт тагын.
Малаеның бәхетенә үзе аяк чалганын биик яхшы белсә дә, Зилә күзен дә йомып карамады.Йөзендәге бер мускул да селкенеп карамады хәттә.
Белмиим Зилә, белмим..Кем гаепледер, ләкин иманым камил, синең өлеш тә юк түгел.Айратның Альбина белән кечкенәдән дус булуларына , тешең тырнагың каршы килдең.Малаең ярата икән,,кем кызы булса да барыбер түгел мени.Әнисе белән торасы түгелдер бит.
Оо, сөйләнеп тор әйдә.Кем кызы булса да имеш.Анасы белән бик торыр идең лә , борыныңа чиертте шул.
Әле ул вакытта да синең хәйлә булгандыр.Белсәмме Зилә? Үзеңә үпкәлә.
Әйе, минем хәйлә, әйе.Камил астына мин салдым бит Санияңне.Иии, сөйләшеп торган була бит әле.
Бу юлы инде, Рәис үзе алдан барган машинага әздән бәрелми калды.Эндәшмә Зилә, зинһар тик тор!!.Җәяү кайтасың килмәсә, беләк буе телеңне тый.
Айрат ,Аллах бирса яңа елдан соң бөтенләй кайта.Пока соң түгел,Альбинаны икәүләп эзли башларбыз.Өйдәгеләре әйтмәсә-әйтмәс, бер белгән кеше чыгар әле.Күрә торып, улымны әрәм итәсем юк.Каршы гына килеп кара.Ире бар дип тормам,Санияне алып чыгып куярмын.
Зилә ачудан телсез калды.Ыжгырып барган машинаның ишек тоткасына чытырдатып тотынып, тәрәзәгә карады.Бер эреп аккан нәрсә булды бу Айрат та, дип уйлады ул.Шундый чибәрлеге булап торып, шул тирес кортына табынып ят әле син.Озак еллар бергә торып, иренең холкын яхшы белгән Зилә, иренә ни дә булса каршы сүз эндәшергә базмады.Үз уйларына чумып тынып калды ул...
Берничә көннән Айраттан хат алган Рәис аталарча сөенде.
-Зилә , Айрат нәрсә, яз кайтам дигәнме? Яңа елга дип көткән идем лә, яраар алайса язга кадәр көтәсе булыр, диде ул.Армиянең үз законнары шул, колхоз түгел бит,без белмәгән нәрсәләр күптер.Уңыш җыеп, бераз бушаганнан соң өйгә ремонт ясыйсы булыр Алла бирса.
Улының бөтенләйгә яннарына кайту хәбәреннән Рәискә канатлар үсте.Альбинаны эзләп табарбыз, дигән уеннан гына да, бар дөньяны кочаклап үбәсе килде аның.Может әлеАльбина үзе дә кайтып та китәр, дип уйлады ул.... 

АЛТМЫШ АЛТЫНЧЫ БҮЛЕК

Кайтып киткәнен күрми дә калабыз.Ә бит кайткалый Альбина, кайткалыыый.Нигә шулай бездән качып йөри ул?Рәис күп уйлады бу турыда,биик күп.Ләкин сораулары гына , җавап таба алмыйча һавада эленеп кала бирде.Нигә безне бөтен гаиләсе белән дошман күрә болар?Бу хәтле үз сүзләрендә торсалар торырлар икән.Ничава, улым, ничава..Альбина чынлап та кияүгә чыкмаган икән, табабыз без аны, табабыз.
Рәиснең әйтерсең лә күзләре ачылды.Әйтерсең еллар буе берни белми йоклаган йокысыннан уянды.Уборкалар бетүгә өйгә тотынам дигән сүзендә дә торды ул.Өй эчен бөтенләе белән сүттереп, үзе теләгәнчә яңартырга тотынды.Иске бүлмәләр сүтелеп, яңалары барлыкка килде.Яхшы яңа обойлар өйгә яңа ямь өстәделәр.Айратның кечкенә йокы бүлмәсен кунакныкы белән берләштереп, зур яңа бүлмә хасил булды.Моны күреп Рәис бигрәк тә сөенде.Бүлмә идәненә яхшы ковер җәелде, ике кешелек карават та шунда ук хуҗа булды.
—Малай кайтмас борын өйләндерергә маташасыңмы соң? Дөнья хәтле караватта бер үзе нишләсен ?дип Зиләсе безелдәп торса да, аның бер генә сүзенә дә карап тормады Рәис.Өендәге яхшы үзгәрешләрне күреп, киресенчә күңеле генә үсте.Өйләнгәнче рәхәтләнеп , бер үзе җәелеп йоклар, аннары күз күрер, диде ул.Өйләнер Алла бирса, гарип горәбә түгел.Ничә еллар буе, бердәнбер малаеңны казармада яткыр инде.Нәрсә уйлаганмындыр, белмим.Колхоз диип, эш дип йөри торгач күпме еллар узган, тьфү.
Нәрсә төкеренәсең соң ул хәтле?Утыз да тулмаган малаеңны картайтып торасың монда, дип Зилә Рәискә каршы чыкты.Табылыр әле, яраткан кешесе дә килеп чыгар. Сания кызыннан башка кызлар беткәнме әллә дөньяда?
Синең өчен может бетмәгәндер дә, улыбыз өчен беткән бит.Улым да шул Сания кызын яраткач, димәк ирләрне тарта торган сөйкемле сөякләре бар инде, Зилә.Эш матурлыкта гына түгел значит.
Сөйкемле сөяге бар дип, киявеннән аерып алып кайтырсың мени?Кайтса ярый да.Айратны ташлап , авылдан бер качкач кайтмас шууул.
Кайтыыыр, Зилә кайтыыыр.Сиңа Алла бирса ял бирермен.Бәбәйләр генә карап утырысың.Врачларның үзләренең бик вакытлары булмас аларның.
Хәәзер, көтеп тор, йөгердем диде Зилә.Әйтерсең ире бүген үк аңа ял бирә.Үз балаларын үзләре карасыннар.
Иих, хатын, хатын.Нинди кеше син ә?.Берәү булса сөенечтән сикерер иде.Син талашып ятасың.Яраар, син теләмәгәч ялынып тормыйм инде, диде Рәис юри тегенең ачуын китереп.Сания алыр ялны.
Зилә элә башлаган челтәрен кире тартып төшерде дә, ачуы белән урамга чыгып китте.Алып чыгып утыртасың гына калды инде, диде ул ишекне каты итеп ябып.
Вәәт , сарыкны син аны, аңламаса аңламас икән , дип авыз ерды Рәис.Ничә еллар узды, картаеп барабыз, ә ул һаман шул Саниядән көнләшә, юләр.Вәәт юләр..Ансы да каян килеп шул күршегә килеп утырды.Көнләшеп карап йөр әле, диде микән.
Әнә шулай,күңелле мәшакатъләр белән сизелмичә генә көннәр уза торды.Әкренләп кышка да аяк басылды.Ремонттан соң Рәисләрнең зур, якты өйләре бөтенләй үзгәреп калды.Чәчәкле обойлар урынына ябыштырылган , бер төстән генә торган обойлар күзләрне ял иттерсә, матур-матур кыйммәтле челтәр шторалар өйгә тагында бер үзенчәлекле матурлык өстәделәр.Яңа йомшак коверларга да баскан өстенә басасы гына килеп тора әнә.
Өй эче генә түгел, моңа хәтле кыш айларын яратмаган Рәиснең күңеле дә бөтенләй үзгәрде хәзер.Бөтерелеп яуган ак карларны яңа күргәндәй , сокланып карарга өйрәнде.Урам буйлап йөгергән җил егетләренең бер өйдән икенче өйгә кереп, кар өләшеп йөргәннәрен күреп, күңеле үсте.Тәрәзә артында сызгыра-сызгара дулаган бураннарны да төннәр буе тыңларга әзер иде ул .
Нинди матур икән бит бу ак кышлар.Бөтен начарлыкны, пычракны каплап киткән бу сафлыкны моңа кадәр ничек күрмәгәнмен дип, аптырады Хәкимыч.Һәр туган көннең кадерен белеп яшисе икән лә, аңламыйбыз шул .Кызганыч, әле күп нәрсәнең асылына төшенмибез.Менә тиздән улым кайтыр, Аллах бирса.Шаулап гөрләп , кешечә яши башларбыз без дә.Икебез ике почмакта утырып туйдырды.Әле дә ярый эшебез бар, өйдә шулай утырасың булса ,Аллам сакласын.
Айратның да сагынганы, язган хатларыннан күренеп тора.Хезмәтендә яратып, калырга кыстасалар да, авылына кайтырга карар кылды ул.Яңа ел узса әти, өйгә кайтыр көннәрне саный башлыйм дигән бит әнә.Альбина турында да хат саен сорый.Рәис хатларны да һәр сүзен , һәр җөмләсен уйлап ,үзе яза торган булды.Әти белән ул арасында моңа хәтле булмаган ышаныч, бер беренә тартылу көче туды.
Көннәр дә ,ничектер яшен тизлеге белән уза кебек хәзер.
-Әнә Айратның, яңа елга килеп тормагыз әти, ату күңел үзгәрә .Язга таба кайтып та җитәрмен инде дип, язганына да өч ай узып бара икән бит инде.
Ә ярсу язларга килгәндә , алар армиядә түгел шул.Командирлардан рөхсәт сорап торасы юк.Синнән дә сорап тормый алар.Балкып көлгән кояш нурларына утырып, көлә-көлә килә дә җитә икән.Ә яз , яз шул инде.Узган барганнарга сызгырып калган сыерчыклар , челтерәп аккан гөрләвекләр тавышы сине ерак яшьлегеңә алып кайткандай була.Бар җирдә җанлылык сизелә.Кемдер түбә кыегында эленеп калган карларны төшерә, кемдер канау ера.Бала-чага урамда гөрләвекләрне буып куеп, көймәләр йөздерә.
Килгән язларга иң сөенгәне Рәис булгандыр.Бераз кырыслана барган җитәкчеләренең шулай барсы белән елмаеп исәнләшүе, хәлдән килгәнчә ярдәм итәргә әзер торуы, колхозчыларда Рәискә карата чиксез хөрмәт уятты.
Зилә генә бу матурлыкны күрүдән мәхрүм иде.Үзәкләргә үтеп, өздереп сыерчыклар сайрадылар ни дә, баш очында каргалар кычкырды ни, аңа барыбер.Матурлыкны күрмәде дә, ишетмәде дә ул.Шул үзе еллар буе хыялланып тудырган дөньясында яши бирде.
Тәки шул чыпчыкны килен итеп алып кайтыр инде, дип офтануын белде Зилә.Малаеңны өзелеп яратучы, акыллы , инде хирург булып туган, дигән даны чыккан кызның синең өйгә керергә риза булуына сөенәсе генә дә инде.Юук, андый кире каткан кешенең башына , мәрхәбәтлекне ярып салып булмый шул.Андый кеше керпе сыман икән ул.Инәләрен тырпайтып, башын яшереп утыруын белә .Зилә дә, әле һаман Альбина кайтып киткән ,дигән сүзне ишетүгә, тизрәк ире беләнме, дип сорый иде.И , хыялланды инде ул аның тизрәк кияүгә чыгуына.Айратның хисләре бөтенләй кызыксындырмады аны.Алай гына да түгел, ачуын чыгара иде.Шундый матурлыгың, шундый дәрәҗәң белән шул тирес кортын саклап йөр инде син , дип зарлануын белде ул.Кайбер көннәрне Вальмир белән бәхетле Алисәгә дә эләгә иде .
-Айраттан кайҗире артык инде я, тәки улымны үзенә карата алмадың.Аның каравы , әнә Вальмирны эләктергәнсең.
Вальмирның гына, айлар буе Алисә артыннан йөреп, кызның ышанычын яулаганын белмәде ул.Үзе Сания белән Рәиснең араларын бутап, артыннан чаба торгач кына, егетне үзенеке иткәч, бөтен кызларны да шул бер калыпка сала иде Зилә.Әйтерсең лә, егетләр түгел, ә кызлар үзләре егетләрне каратырга тиеш.
Ләкин Альбина гына егетләр артыннан чабып йөрерлек итеп тәрбияләнмәгән шуул.Әнисе кебек үк, ул да бик горур иде.Бик теләсә дә еллар буе үрелгән шул горурлыгын баса алмады ул.Кайткан саен, Рәис абыйны күреп сөйләшәм инде, дип хыялланса да, үзен үзе җиңә алмыйча тагын китеп бара иде.Ә менә бу юлы , кышын кайтып киткәндә Фәгыйлә әби , болай йөрергә ярамаганын бииик әйбәләп аңлатты аңа.
-Альбина , горур булма дип әйтмим, бул син.Ләкин син артык кыйланасың.Үкенерсез кызым, соң булыр бит, диде ул.Сине кияүдә дип, алдап, гөнахы аласым юк, җитте.Үлгәч ни дип җавап бирермен, болай да Рәискә дөресен сөйләмичә көчкә түзәм.Җәйгә Айрат кайтса бирганым булса, дөресен сөйлим.Алар да белсеннәр синең шыттырып йөргәнеңне.
Дөрес,Альбина үзе дә күп уйланды инде бу хакта, ләкин Айратның гына башканы яратам, өйләнәм дигәне , ничә еллар уеннан китми газаплый бит әнә.Әллә ялгыша инде ул, алай дисәң, сирень чәчәге шаһит.Ләкин бу юлы, дәү әнисе бик сеңдерерлек итеп аңлатты. Кызым диде бит ул, Айрат өйләнмәгән.Өйләнгән булса ничә елга бер кайтып күренер иде.Кино куеп йөрүегездән туктагыз, аңлашыгыз.Син дә кайт бу якларга, бик сагынам бит кызым.Әллә ни гомерем дә калмагандыр инде.
Әйе, әбисенең бу сүзләре , Мәскәүгә кире килгәннән бирле тынычлык бирмәде Альбинага.Неужели берәрсе арага керде.Әллә Айрат, ялгыш әнисенә әйтеп ташладымы бу сиренне.Бер караганда аларныкы кебек көчле мәһәббәтне бер кем дә җимерә алмас кебек иде бит.Әллә нинди өйләнмәгән профессорлар, исеме билгеле хирурглар да йөреп карады бит артыннан.Ул гына һаман да Айратын юксына әнә.Аңа үзенең чыпчык кына түгел икәнен исбатлар өчен яңа үрләр яулый. Альбина сагынмый дисеңме, сагына , үлеп бетеп сагына ул, кечкенә зәңгәр бутыйлы күрше егетен.Язган хатлары да шул килеш очрашуны көтеп яталар.Менә бүген дә язды ул хатны, аннары гына мин яздыммы соң моны дип, кабат кабат укыды әле:Кил әле син минем яннарыма, күпер сал син ике арага.Көтә-көтә түземлеге беткән йөрәгемне зинһар дәвалааа...Йөрәгемне Айрат, үзем дә дәвалыйм, җанымны дәвала диде дә, елап җибәрде Альбина.Әйе, ул хәзер Альбина Камиловна.Мәскәү уртасындагы яңа йортта, зур якты фатиры бар.Бар да бар, ә бәхет юк.Мәңгегә яраткан бердәнбере-Айраты юк.Нигә болай булды соң әле безнең язмышлар.Кайсыбыз ялгышты, кайсыбыз ашыкты дип уйлады ул.Бәлки Айрат та, ак шапкалы, кечкенә кызыл бутыйлы яшьлек дустын сагынадыр.
Ә беркөнне эштән кайткач:Ярар, дип хирурглар кебек катгый карарга килде ул.Болай булмый, дәү әнием әйтмешли, соңыннан соң булуы бар, җәйге ялга кайтуга, керәм Рәис абый янына.К чёрту горурлык...
Рәис үзе дә өметләнеп көтте Альбинаны.Шундый колхозны җитәклә инде син, ә күрше кызы белән күрешер җай тапма, дип әрләде ул үзен.Яратадыр әле Айратны, кияүгә дә чыкмагандыр, чыкса ире белән кайтыр иде.Араларында упкын булып, ниндидер бер сер ята боларның.Ләкин менә нинди?Ансы билгесез.
Рәис эштән кайтып, тәрәзә каршына килеп басты.Ике күрше малаеның сугышып, берсенең суга егылып өенә кереп киткәненә карап , көлеп куйды.Кызыык, ә мин улымның бу вакытларын юньләп хәтерләмим дә , эш дигән булып өйгә дә кайтып кермәдем шул, дип үкенеп куйды.Аннары, ярар, соң түгел әле,Айрат кайткач , башкача яши башларбыз дип, утырам гына дигән иде ,өйне ярып телефон шалтырады.Үз гомерендә беренче тапкыр, телефон тавышыннан шулай сискәнеп, куркып куйды Рәис.Әллә нинди шомлы булып тоелды аңа бу тавыш.Телефон трубкасын күтәреп, эндәшкәнен дә көтмичә , теге баштан борчулы чит тавыш ишетелде.Раис Хакимыч, добрый вечер.Ваш сыын...

Дәвамы бар.

(Альфира Кадырова-Гайфутдинова)