Ә кулыңда синең сирень иде

КЫРЫК ТУГЫЗЫНЧЫ БҮЛЕК

Туктарга исәбе дә юк бугай, кара әле ничек яшенли диде Айрат, үзенең сискәнеп куйганын сиздермәскә тырышып.Ничә көн ява инде.
Ә Казанда безне кояш озатып калган иде дип, Алисә дә сүзгә кушылды.Үзебез белән алып кайтып китәрбез әле.
Әйе, шул Алисә, кесәгезгә тыгып җибәрәсе булыр бу болытларны, дип көлде Айрат.Әни ,ә син нәрсә дип,ләкин дия башлаган идең.Яле, сөйлә давай, нәрсә беләсең.
Беләсең дип, дөресен белмим шул улым.Просто Вальмирның кичләрен Альбина янына килгән күрәм.Ә бер көнне Альбинаның почтальон кыз -Нәсимә биргән ниндидер хатны укып тормыйча,икегә ертып, койма аркылы бакчаларына ыргытканын күрдем.Бәлки берәр кирәкмәгән хат та булгандыр, белмибез бит.Ну Вальмир син китүгә Альбиналар капка төбен таптый.Ансы дөрес!Берничә тапкыр җитәкләшеп паркка таба киткәннәрен дә күргәнем булды.
Вальмир белән?!Әни! нәрсә сөйләгәнеңне ишетәсеңме соң син?Вальмир белән просто дуслар гына бит алар.
Мин дә бер начар сүз әйтмим бит улыым.Дуслар тек дуслар инде.Кочаклашып урамда йөрүләре дә дусларча гынадыр инде.
Кочаклашыыып?Әнии, нәрсә сөйлисең?Үбешеп түгелме тагыын?диде Айрат, ап-ак булып.
Ансын да күргәлим инде улым, диде Зилә күзен дә йоммыйча.Син улым, Альбинага бераз ирек бир.Ул үзе сайласын.Кем аңа кирәк, җанына кем якын.Ату җиде яшьтән бирле, иркенләп суларга да ирек куймыйсың бит.Минут саен янында бөтерелеп туйдырып та бетерәсеңдер инде.
Әни, яраткан кешеңнән ничек туеп була ди инде.Альбина үзе дә мине ярата бит.Миңа да аннан башка бер кеше кирәкми...Нинди генә матур, акыллы кыз булмасын, миңа башкалар ки-рәк-ми диде Айрат, ярым пышылдап.Нәкь шул вакыт,иреннәрен чәйнәгән тешләре арасыннан, кысылып чыккан бу сүзләрне хуплагандай, тәрәзәгә яңгыр тамчылары килеп бәрелде.Кисәк кенә, бикләнмичә калган форточкадан кергән усал җил, Зиләнең бугазына барып ябышты.Вот погодаа, дип Зилә тиз генә торып, форточканы ябып, биген борды.Кирәк бит , без килгәнне генә көткән диярсең...Беразга барсы да тын калдылар.Бүлмәдәге текелдәгән сәгать тавышына, шыбыр-шыбыр яңгыр җыры кушылды.Әйтерсең Айрат күрсәтергә теләмәгән күз яшьләре, яңгыр тамчылары булып тәрәзәгә бәрелә.Зиләнең ялганына ачуы чыккан җил егетләре абагага ошаган куакларны ботарлый.
Вальмир белән кочаклашып..Әнисе әйткәннәрне , Айрат булдыра алганча сабыр кабул итте кебек тоелса да, аның бу сабырлыгы артына ниләр яшеренгәнен ул үзе генә белә иде.Җанында өзгәләп дөбер дөбер күк күкрәвен дә,ялт йолт килгән яшен камчыларының йөрәген телгәлүен дә ишетүче дә, күрүче дә булмады аның.Үкереп-үкереп елыйсы килгән күңелен тынычландырырга теләп, бер учка йодрыкланган бармаклары да катып калгандай булды .Нуры сүнеп калган күзләрен бер ноктага төбәп: Вальмир белән...кочаклашып..парк..дип пышылдаган сүзләрен дә, ни Зилә, ни Алисә юньләп аңламады.Хәер бәлки аларга Айратның хисләре тапталуы мөһим дә түгелдер.Алар алдында бары Айратны Альбинадан аеру бурычы .Ә калганын инде үзләре кирәк агымга кертеп җибәрерләр күк тоела.

ИЛЛЕНЧЕ БҮЛЕК.

Эх, әни әни,син нәрсәләр сөйлисең?Синнән -иң кадерле кешемнән шушы сүзләрне көткән идемме соң инде мин?Ә мин чынлап та, Вальмирдан көнләшә идем бит.Шуның аркасында, Альбина белән сүзгә килгән чаклар да булды әле.Ә ул ,без дуслар гына дип ышандырды.Мин ни уйларга да белмим хәзер, миңа бик авыр, бииик авыр...
Дуслар белән, кочаклашып, үбешеп йөрмиләр шул улым.Жалко фотоаппаратым юк , төшерә дә белмим.Үзем өчен генә булса да төшергән булыр идем менә, дигән булды Зилә, Айратның акрынлап ышана барганына сөенеп.Бәлки Альбина шул хирургка чынлап та гашыйк булгандыр.Синең дә Айрат, мәхәббәт дип йөргән ул хисләрең, бала-чактан үрелеп төйнәлгән дуслык хисләре генә түгел микән?..
-Альбинаныкын белмим , әни.Нинди хисләрдер.Бәлки чынлап та бүтәнне ярата башлагандыр.Ну миңа, Альбинадан башка бер кыз да кирәкми, хәттә Алисә кебек матур, әкият кызлары да, дип авызын ясап утырган министр кызына карады Айрат.Аралар өзелсә, бәлки монда,шушы врач кабинетында хезмәтемне дәвам да итәрмен.
Җүләр мәллә син улым?Яраткан уенчыгын тартып алган бала сыман елап утырырга җыенасың что ли ?Бер уйласаң, чынлап та ,Альбина бала-чактан яраткан уенчыгың гына бит.Чын яратуның ни икәнен белмисеңдер дә әле син.Может ул сиңа килеп җитә алмый, юлыңда көтеп торадыр.
-Гафу ит, ә син әни?Ә син беләсеңме чын сөюнең ни икәнен?Миңа калса мәхәббәт ул көнләшеп ,талашып йөрү генә түгел.Ә һәр вакыт яраткан кешеңне үз яныңда тою.Аның җылы сулышын, кулларының җылысын ерактааа еракта булуга карамастан җаның, йөрәгең белән тоя алу.Ә болар миндә барсы да бар.Менә хәзер дә Альбина шушында, минем янымда гына, елмаеп басып тора сыман.Хәттә мин аның җылы сулышына хәтле сизәм кебек.Ә сөйкемле карашы бар җирдә мине озатып йөри.Значит буу , минем өчен чын сөю.Кабатлап әйтәм әни, минем өчен.Башкаларга нәрсәдер ул мәхәббәт,әйтә алмыйм.Ә минем өчен менә шушы хисләр.Әгәр , син әйткәнчә Альбинаның яратуы узса инде,бәлки еллар тузаны аңа булган сөю хисләрен каплап та китә алыр.Менә ул вакытта инде, может Алисә кебек берәүгә гашыйк та булып куярмын.Белмим.
- Алисә кебек кызлар гына синең мәхәббәтең узганын көтеп торырлар микәән? Вот вопрос?дип Зилә, аптырап утырган Алисәгә карады.
Ансын вакыт күрсәтер .Ә хәзергә Альбинадан хатлар көтәм.Мин бары аңа гына ышанам.Гафу ит әни, мин хәттә сиңа да ышанып бетмим.Әгәр ул үзенә башканы тапкан иткән, димәк мин ир кеше буларак читкә китәрмен.Ләкин әни, син шуны белеп тор, мин инде Альбинадан башка бер кызны да, чын сөю белән ярата алмам.Кечкенә кызыл бутыйлы, ап-ак шапка кигән балачак мәхәббәтем гомергә дә күз алдымнан китмәс.Аңа булган хисләремне йөрәгемнең бер почмагына җиде йозак белән бикләп куячакмын.Ә ачкычы әни, Альбинада булачак.Бәлки шул ачкычларны кулына тотып, бер көн килеп керер.
-Эх, Айрат, Айрат кайлардан таптың син авыртмаган башыңа тимер таракны.Ничек улым, шулай бер катлы булып була соң ул?Менә бит Алисәгә генә бер карале, мондый матурлыкка гашыйк булырга ниләр комачаулый сиңа.
Ниләр комачаулыймы?Альбинага булган сөю хисләрем комачаулый.Аның , сине яратам , сагындым дип язган хатлары комачаулый.
Белмим улым.Артык ышанып ялгышмыйсың микән инде.Әнисе дә әнә, әйтмәм дигән идем инде конечно.Сания дә ничә еллар әтиеңнең башын әйләндереп йөрде, йөрде дә , иптәшенә кияүгә чыгып куйды.Хәзер әнә кызы йөри, ике егетнең башын бутап.Сине чынлап яратса, Вальмир.белән төннәр буе җитәкләшеп йөрерләр идеме икән инде , белмим дажеее....
Әниии!Айратның кычкырганыннан , хәттә тәрәзә пыялалары зеңләп куйды.Алисә дә сискәнеп Зиләгә карады.Җитте әни, безне аерырга теләгәнеңне беләм.Җиттеее!Мин синең сүзләргә ышанмыйм.Кабатлап әйтәм:Мин бары Альбинага гына ышанам.Болай булгач , фотолар җибүрүчеләр табылыыыр.Ләкин шул фотоларның тик берсендә генә,икебез генә белгән сүзләрне укысааам...Кем язган ул хатны, синме, әтиме, миңа барыбер.Шул сүзләрне укысам, димәк Альбина мине яратудан туктаган дигән сүз.Димәк ,Альбина шул икебез өчен кадерле сүзләрне башкаларга сөйләп, хисләребезне җилгә очырган.Менә ул вакытта инде, мин аны үземнән җибәрәчәкмен.Ләкин бу, мин башканы ярата башлар дигән сүз түгел.Аңладыңмы, әни?!Минем йөрәгемне үтмәс пычагың белән кисеп маташма бүтән.
Бетте улым , бетте.Беттее, диде Зилә, Айратның ачуы чыкканын күреп.Аңладыым.Мин , син сораганга гына әйткән идем бит.
Шулай, әни ,ләкин мин инде ник сораганыма үкенә башладым.Алисәне интектереп йөргәнче, Альбина килгән булса, күзгә күз карап аңлашкан булыр идек.Айаат, дип торган кечкенә кыз түгел инде хәзер ул да.
Аңлашырсыз әле улым.Хатлар язмыйча калмас.Аннары дүрт аең да узып китәр, рәхәтләнеп сөйләшерсез.
Әйе , әни, әйе.Извини, кызып киттем.Мин үземне бик сабыр , Хәким бабама ошаганмын дип йөри идем, алай ук түгел икән әле.Сабыр рахман, Фәгыйлә әби әйтмешли..Яратам шул Альбинаны.Хәким бабай дигәндә,әни ул ничек?Аяклар сызлый дип зарлана иде, бераз басылды микән.Янына барасызмы?
Ул яшькә хәтле яшәгәч, аяклар гына түгеел, әллә кай төшләрең сызлар.Атаң барып тора инде, диде Зилә, теләр теләмәс кенә.Шул сынган аягы бугай инде.
Ярар,больницага кайтып урнаша алсам, Алла бирса, системалар куярмын әле.Сиңа да куясы булыр,дип көлеп җибәрде Айрат.
Миңа нәрсәгә ди?Бабаң сыман зарланып йөрмим бит.
Сиңамы әни?Ә сиңа дөресен генә сөйләтә торган система куябыз диде Айрат, көлүен дәвам итеп.
Вәәт , ышанмыйсың инде миңа , улым.Беркөн килеп Альбинаң , башканы яратам дип язса, ышанырсың әле.Мин генә сине гомер буе яратудан туктамам.Аннары, әни кеше баласына ни кирәген үзе белә ул.
Әнии, нужели син Альбина Вальмирны ярата алыр дип, уйлыйсың, әә?Ә мин моңа ышанмыйм.Альбина андый кыз түгееел.
Бик әйбәт булыр, әгәр ялгышсам.Но улым, Айрат, әгәр дә чынлап та шулай булып куйса?
Чынлап та шулай булып куйсамы?Айрат, җитез генә креслосыннан торып , тәрәзә янына килеп басты.Пыяла буйлап тәгәрәгән яңгыр тамчыларын күзәтеп торды да, Зиләгә карады.
Белмим әни, белмим.Ул хакта уйларга да куркам мин.
Ә син уйлама алайса, улым.Ярар, бар да яхшы булыр.Ә йөргән кызың башканы ярата башлый икән, нишләтәсең.Бернишләп булмый инде.Аның белән генә дөнья бетми.
Әни , әйдә әллә нәрсәләр юрап тормыйк әле, Син фотоаппарат юк дисең инде.Эх менә хәзер фотога төшеп, әтигә җибәрсәәк?дип уйга калды Айрат.
Юньсезгә җеннәр булыша, дип, әллә дөрес әйтәләр инде.Зилә үзе дә бу хакта уйлап кына куйган иде әнә.Ничек булмасын?дип , сөенеп әйтеп куйды ул.Ләкин шул мизгелдә ялгыш әйтеп ычкындырганын аңлап сүзне икенчегә борып җитеште.
Ничек булмасын, ди инде ул.Шушындый зур бер военный частьтә нужели бер фотоапарат табып булмас?
Ии, әни,ничек булмасын дигәч,мин әллә үзеңдә бар дип торам, дип елмайды Айрат.Бер дус егеттә бар бит әле, искә төште.Ну анда полароид, ул төшүгә үк, сразу ясап та бирә.Ярар, булсын, сорап карыйм әле ,мин хәзер дип бүлмәдән чыгып китте Айрат.
Сөенече эченә сыймаган Зилә, Алисәне кочаклап алды.Ишеттеңме, ишеттеңме?диде ул.Альбина мине яратмый башласа, бәлки Алисә шикелле бер чибәргә гашыйк булырмын диде бит.Алисәә, фотоаппарат бар дип ничек ычкындырмадыыым, эләгә идек биит.. .

Дәвамы бар.

(Альфира Кадырова-Гайфутдинова)