КЫРЫК ДҮРТЕНЧЕ БҮЛЕК
Аптырап тормааас , синең кебек тагын бер җебегәненең башын әйләндереп атар, Аллахым бирса.
Шулай уйланып күпме утыргандыр, капка төпләрендә генә машина тавышы ишетелде. Зилә тиз генә урамга карап:Ии, тагын Фәгыйләтти авыртып киттеме сооң, скорый килгән , дип кызыксынып каршы өйне күзәтә башлады.Ни дисәң дә , бик ипле, акыллы әби шул, исән генә булсын диде ул.Айратны үстергәндә дә бик файдасы тиде.Миңа да бер тапкыр да караңгы йөз күрсәткәне булмады...Менә озак та узмады, кызыл хаҗлы чемоданын күтәргән фельдшер кыз да, капка төбенә чыгып басты,ә аның артыннан Альбина белән Вальмир күрендә.Вот тебе, на!диде Зилә, үз күзләренә үзе ышанмыйча.Монсы нишләп йөри тагын?Эше беткән что ли? Менә бит нинди матур парлар, йөрсеннәр әнә.Бик килешеп торалар.Шулай дип, уйлап та бетерә алмады, Вальмир кызны кочагына алмасынмы?Зилә уктай атылып, фотоапаратын ачты да, черт , черт итеп баскалый башлады.Менә Альбина үзе дә егетне кочаклады, әһәәә..кирәк бит, менәә үбеп тә алды.Әйтерсең алар, менә нәкъ Зилә өчен карточкага төшәләр.Кирәк бит, кирәк бит дип, ни әйтергә белмичә , сөенә-сөенә төшерүен белде Зилә.Ул арада, Вальмир үзе дә Альбинаның битеннән үбеп алды.Һәм әнә скорыйга утырып , урам буйлап ашыгып китеп тә бардылар.Альбина машина артыннан кул болгап, бераз шул якка карап торды да, әкрен генә өенә атлады.Бүген иртәгә хирург буласы кеше инде үзең, шул бер әбиеңнең давлениесен тикшерә алмале, диде Зилә.Сиңа тагын хирург.Беткән ди синең кебек чиле пешлеләр...Менәәә, бирәм дигән колына чыгарып куйган юлына, шушы була индеее,дип, фотоапаратын үбеп-үбеп алды .Дөрес төшергән булсам гына ярый инде.Шулай өйрәтте инде сатучылар, дөрес булырга тиеш дип уйлады ул.Аннары тиз генә киенеп, көзге каршында әйләнгәләде дә, фотоательега барып карыйм әле дип, шунда ашыкты.
.. Фотограф: бүген проявить итәсе пленкаларым күп әле, иртәгә генә булыр дисә дә, Зилә хәйран гына акчаны өстәленә куйгач, ясап бирергә риза булды тагын.Әйбәт булыр иде, рәхмәт сезгә диде Зилә.Алайса , мин монда көтеп утырганчы , үзем эшли торган контарага барып киләм..
Җыйнак кына ике катлы агач контораның ишеген ачып керүгә, сумкасыннан әзер гаризасын алып, ире янына, икенче катка менеп китте Зилә.Сөенечтән биеп торган хатынын күргән Рәис ни уйларга белмичә,сораулы карашы белән, аптырап Зиләгә карады.Берәр бай ир таптыңмы әллә?Авызың колагыңа җиткән диде ул.
Юк әле, тапмадым.Тапсам әйтермен яме дип, Зилә язган гаризасын иренең өстәленә куйды.Хәкимыч, минем отпускага вакыт җитте.Кул куярсыз әле, диде ул елмаеп.Рәис үзе дә көлеп җибәрде.Әле иртән генә , йөзен болыт баскан хатынын алыштырып куйганнар диярсең.Ни дисәң дә, хатын-кызга елмаю килешә шул, дип уйлады ул.Аннары хатыны чынлап та бик матур , ни дисәң дә үзен үзе карап та тора, молодец.
Тагын миннән көләсеңме инде ?диде Зилә, иренә үпкәле күзләре белән карап.
Юк, инде Зиләә.Нишләп синнән көлим ди.Син үзең әллә ниләр уйлап чыгарып , тавыш ясап йөрмәсәң,яратам гына бит мин сине.
Әйе ди, яратаасың, бааар.Ну күбрәк ...Санияне яратасың шул, дип әйтергә генә теләгән иде, кире уйлап ,вакытында туктап калды.
Нәрсә , Зилә?Нәрсә ну?
Ну мин сине күбрәк яратам шул, дип ,Зилә сүзне тиз генә икенчегә борды.Аннары һаман да шул елмаюлы карашы белән:Рәиис, мин икенче атнага Айрат янына барырбыз дип уйлаган идем, син бара аласыңмы?диде .
Айрат янына?Зилә , син безнең колхозда эшләмисең шту ли.Икенче атнада бездә семинар икәнен онытып җибәрдеңме?Районнан, Казаннан киләләр.Башка колхоз председательләре дә җыела.Мине малае янында әле ул дисеннәр мени?
Рәиис, бик сагындым бит,Айратыбызны.Әйдә мин үзем генә барып кайтыйм алайса, диде Зилә, төлкедәй ирен кочаклап.Уборкалар башланганчы, тагын икебез бергә барып кайтырбыз.
Зиләәә!Син Моршанскийны нәрсә дип беләсең?Казан гына түгел бит ул сиңа.Казанда да мин генә җитәкләп йөрим бит сине.
Юк инде матурыыым.Мин алай син уйлаганча ук җебегән түгел.Казаннан Тамбовка самолет оча, ә аннан Айратлар частенә йөз км.тирәсе генә.Барыйм индеее, Рәиис дип, сырпаланды Зилә.
Ии, бу ирләәәр.Керпе дә йомшагым дигәнне ярата дигәндәй.Алар да наздан, җылы сүздән эреп китәләр шул.Рәис тә хатынына елмаеп карап куйды.Ярар Зилә, ярар.Үзем генә бара алам дисәң, барырсың диде ул.Ахунычка шалтыратырмын алайса, самолетка бер билет алып куяр.
Менә шуңа яратам да инде мин сине дип, Зилә Рәисне кочаклап үпте дә,чыгар якка атлады.
Бер кысып кочаклап үбүдән,Рәисне дә алыштырып куйдылар мени.Зиләә!Шофер алып кайтып куйсын дисәм, УАЗ ка утырмыйсың инде син?диде ул көлеп.
Юк матурым, юк.Әле кибетләргә кергәлим.Ни дисәң дә, мин хәзер отпускта диде Зилә.Ә дуслашкан өчен кич белән рестораннга барырбыз әле, яме дип, ирен тагын бер кат үпте дә, чыгып та китте.
Вот лиса бу хатын кызлар, әә?дип елмайды Рәис.Бәлки кайчакларда Санияне искә алып, мин дә дөрес эшләмимдер.Шулай шул, үзем дә инде,ачуы чыкканын белә торып әйтеп ташлыйм бит.Җитмәсә, кул да күтәрдем әле, ирләр эшеме инде бу, я?Ярар, бүген гафу үтенермен дип уйлап, ресторанга заказ бирергә дип телефонга үрелде.
Ә Зилә ул арада, фотограф ясап биргән карточкаларны карап, урамга куелган эскәмиядә утыра иде инде.Менә Вальмир Альбинаны үбә , менә кочаклашалар.Әһәә, менә Альбина үзе үбә.Ничеек алдым әле бу фотоапаратны.Мин генә төшергән сурәтләр дисәң, бер кеше ышанмас, дип сөенде Зилә.Беренче төшерүгә үк шулай чыксын әле.Аннары, фотоларның әле берсенә, әле икенчесенә карап утырды да,конверты белән кире сумкасына салып ,бер зур эш эшләгәндәй өенә кайтып китте.
Бәлки ,министр кызына өйләнсә, малай мул тормышта яшәр, кеше арасына чыгар дип , Зилә үзенең ялгышканын аңламый да торгандыр.Ләкин, менә гомер буе иреннән көнләшеп яшәгән Сания кызын алса, бәхетсез булачак дигәнгә, үзен үзе күптәннән ышандырган иде инде ул.Һәм шуңа да теше тырнагы белән Айратының"бәхете"өчен көрәште Зилә.Өенә кайтуга, Альбинаның Айратта онытып калдырган институт дәфтәрен табып, тиз генә кызның ничек язуын, почерыгын өйрәнә башлады.Язуы матур икән шул, бу чыпчыкның диде ул, сыза-боза.Хәйран гына маташа торгач,язулары бераз ошап та киткән кебек тә тоелды Зиләгә.Ә кулыңда синең сирень иде дигән сүзләрне йөзләгән тапкыр язгандыр ул .Ничек тә өйрәнәсе иде инде.Мин башканы яратам и шушы сирень.Шушы җиде-сигез сүзгә, Айратымның бәхете бәйләнгән дип, уйлады Зилә.Ярар, миннән булмаса, яшьләр оста хәзер, Алисә язар әле...
Конверты ние белән фотоларны сервант эченә куйды да, тәрәзә янына басып уйга калды Зилә.Ачык тәрәзәдән кергән җәйге җил, нәфис тәрәзә челтәрләрен биетә, өй каршында үскән күпеллык чәчәкләрдән бөркелгән хуш исләр,урманнарга, чәчәкле кырларга өстери.Әгәр Рәисне үземә карата алмаган булсам, хәзер кайда булыр идем микән?Башка берәү белән бәхетле дә була алмаган булыр идем әле ,дип уйлады ул.Ни дисәм дә иремнән уңдым, Аллага шөкер.Сания кебек казынып яшәмим.Шулай ук Айратның да казынып яшәвен теләмим...Әнә шулай, бераз хыялларына ирек биреп торганнан соң , тәрәзә яныннан кузгалам гына дигәндә, бер як җилкәсенә зәңгәр сумка аскан хат ташучы күренде.Менә моның эшен кара инде, диде Зилә.Өй саен кереп, бөтен авылны әйләнеп караәле син, Алла сакласын дип, тәрәзә пардәләрен рәтләп тартып куйды.Һәм нәкъ шул вакытта күзе урамнан күлмәк итәкләрен җилфердәтеп, җил җил атлап кайтучы Альбинага төште.Китәм дигән җиреннән шып туктап, күрше кызын күзәтә башлады Зилә..Альбина капка төбенә кайтып җитеп, почта ящигындагы гәҗитләрне селкеткәләп караганда,тын алырга да куркып, карап торды ул.Ләкин Альбина гына кабат кабат гәҗит эчләрен караштырды да, китеп барган хат ташучыга моңсу караш ташлап,өенә кереп китте.Зиләнең болайда яхшы кәефе, тагын да күтәрелеп китте.Все, булган бу диде ул, сөенеп, генерал сүзендә торган значит.Менә бу хатымны да җибәрә алсаам.. .
0 °С
Облачно