Өйдәгеләр белән шатлыгын уртаклашты да, ут йотып кичне көтә башлады Гөлнара.Нишләргә?Сөенәсе урында башында тик бер уй иде аның.Нишләргә?Нишләргә?
Һәм менә, машинадан төшкән ут көлтәсе өй эчен яктыртты.Килде..Шуның белән бар да бетәр микән инде?
Гөлнара, ашыкмыйча гына тунын, бер якка янтайтып норка береткасын киде.Ярар, нәрсә булса шул булыр.Иң мөһиме балам булачак.
Әни, мин Гәрәйгә дә фатирны күрсәтеп кайтам әле, диде ул, уйланып.Озак та тормамдыр.
Ярар, барыгыз бар.Кайчан кайтасын үзегез карарсыз инде.Беренче тапкыр очрашуга чыкмыйсың бит.
Пока, әни.Без киттек.
Гөлнара урамга чыкканда, Гәрәй көлә-көлә капкадан керә иде инде.
Сәләм, матурым!диде ул.Котлыйм, фатир алуыңа мин бик шат.Әйбәт булган, бик әйбәт.
Гөлнара, коры гына рәхмәт дип, машинага кереп утырды.Йөрәге нәрсәдер буласын сизгәндәй, шөбһәләнеп типте, җаны да нигәдер үз урынында түгел иде аның.Миңа ышанырмы Гәрәй, юкмы?
Уйланып барып йортлары каршына килеп туктаганнарын да сизмәде Гөлнара.Сөйгәненең бу йортны каян белгәне белән дә кызыксынмады.
Бары сүзсез генә подьездга кереп, фатир ишеген ачты.Беренче катта булды инде Гәрәй, диде ул әкрен генә эчкә узып.Бәлки әле әйбәтрәктер дә.Баскычлар буйлап менәсе юк, ачтың кердең.
Шулай, матурым, бик җайлы гына булган.Аннары, кара әле, Гөлнара, кояш ягы булган бит.Бүлмәсе дә бик иркен.Элек кечкенә кечкенә итеп өеп куялар иде, хәзер өйрәнеп киләбез, Аллага шөкер.Зур булмаган гаиләгә менә дигән.
Үземә дә бик ошый,Гәрәй,диде Гөлнара,зур тәрәзә каршына басып.Каршыда гына кечкенә булса да парк та бар.
Гәрәй,әшлекле кыяфәт белән фатирны карап чыкты да:Молодцы, булдырганнар , диде.Җитмәсә,планнан алда да бит әле.Без дә менә тиздән тугыз катлы йорт тапшырабыз.
Ләкин Гөлнарасының аны ишетмичә дә, уйланып торуын күреп, аптырап кызга карады.
Аргансың бугай,матурым, диде ул, сөйгәненең кулыннан тотып.Бу хәлдә сине беренче күрәм.Нәрсә булды? Көлмисең дә, сөйләшәсең дә килми бугай.Әллә.. әллә фатир алгач, мине яратмый башладың инде?
Юк сүз сөйләмә, Гәрәй.Гөлнара сүзсез генә ишеккә таба атлады.Чынлап та кәефем юк, бүген, ачуланма, яме.Әйдә, кайтабыз!
Кайтабыз тек кайтабыз инде Гөлнара.Ләкин күреп торам, эш монда кәеф юктан гына түгел.Бәлки әйтерсең, ни булды?
Ни булды, ни булды...Гөлнара сүзсез генә машинага кереп утырды.
-Әйдә, Гәрәй, авылга кайтабыз.
Гәрәй аптырап, машинасын кабызды.Ни әйтергә белмичә, бер кызга карады,бер юлга.
Әллә, шушы фатирда үзе генә яшисе килә микән?дип уйлады ул.Әллә инде кияүгә чыгарга кире уйладымы?Сизеп торам бит,нидер булган.
Гәрәй машинасын Гөлнараларның өйләрен узып, үзләре яратып серләшә торган җиргә туктатты.Бөтен дөнья гүя ак нурга күмелгән.Әле генә яуган яфраклар яңгырын алыштырып,ябалак карлар бөтерелә.
Агачларга ефәк күлмәк булып, ак бәс сарган.
Көзләрне яратам, дип әйтә идем, Гөлнара,кышлар да бик матур икән бит.Кара әле бер урамга!Дөнья матур, дөнья киң..
Матур, матур..Көзләр дә, кышлар да матур.Язлар да..
Гәрәйнең түземлеге бетеп, Гөлнараның кулыннан тотты.Ә хәзер, хәзер дөресен әйт, матурым!Ни булды? Мине яратмый башладыңмы?
Уйланып утырып, Гөлнара үзенең ни әйткәнен сизмичә дә калды.Уенда ни, телендә шул иде аның.
Мин авырлы.Гәрәй, безнең балабыз булачак.
Салонда үле тынлык урнашты.Гәрәйнең ачудан, мускуллары тартышты, күз аллары караңгыланып, чытырдатып машина руленә ябышты.
Нәрсәәә? диде ул, бармакларын бер учка йодрыклап.Гөлнара,нәрсә дидең? Нинди бала ?Кемнеке?
Безнеке, синеке..диде Гөлнара, каушап.Гәрәй, минем балам булачак.Синнән..
Гөлнара, моның булуы мөмкин түгел.Мин бит бала алып кайтырга сәләтсез!Диагнозларны үзең, үз күзләрең белән укыдың бит.Нәрсәгә миннән көләсең?
Көлмим, Гәрәй, көлмим.Мин чынлап та синнән балага уздым.Диагнозны бәлки ялгыш куйганнардыр.
Диагнозны ялгыш куйганнар?Ике хатын белән еллар буе торып берсеннән бер бала булмады.Синең белән берничә тапкырдан..
Белмим, Гәрәй,мин үзем дә сөенергә дә, көенергә дә белмим.Ләкин бала синеке, шуны төгәл беләм.
Гөлнара, без бит сөйләштек.Арада бернинди ялган да, хыянәт тә булырга тиеш түгел.Бәлки мине сөендерергә теләп, башка белән...
Син нәрсә сөйлисең, Гәрәй!
Гөлнара!Ничек кенә авыр булмасын, ничек кенә сине яратсам да мин хыянәтне кичерә алмыйм.Бу хакта очрашкан көнне үк әйттем.Кичерә алмыйм..
Гөлнараның үкереп елыйсы,бала аныкы гына икәнен аңлатасы килсә дә , үзен кулга алды.Еламады да, ялынмады да.
Ярар, диде ул, сабыр гына.Ярар, Гәрәй.Ышану, ышанмау синең үзеңнән тора.Синең алда минем йөзем ак.Шуңа күрә, акланасым килми.Китә аласың..
Синнән моны көтмәгән идем, Гөлнара.Мин бит сине генә яраттым.Ятим балалар алып, бәхетле тулы гаилә турында хыялландым.Ә син? Син ниндидер бер очраклы очрашу аркасында барын да җимердең.Эх, Гөлнара, Гөлнара..
Беркем белән дә очрашмадым.Синнән авырга узганны хыянәткә саныйсың икән, сана.Әйдә, алып кайтып куй, Гәрәй.Бүтән сиңа әйтер сүзем юк.
Гәрәйнең йөзен кара болыт каплады.Үз үзенә, профессорның диагнозына сукырларча ышануы, башкалар турында уйларга ирек куймады аңа.Бәлки,Гөлнара ялганламыйдыр,бәлки бала чынлап та минекедер,дигән уй ялгыш кына да башына килмәде Гәрәйнең.Горурлык хисләрен теләсә дә җиңә алмады ул.Бала һич тә аныкы түгел.Гөлнара кем белән булса да хыянәткә барган.
Шулай итеп, тиздән өйләнешәбез дип йөргәндә генә,үз бәхетләренә үзе нокта куйды Гәрәй.Имеш сөйгәне хыянәтче.Имеш хыянәтне теләсә дә кичерә алмый.
Берничә сәгатьтән кара коелып кайтып кергән Гөлнараны күреп, әнисе куркып калды.Тукта әле, кызым, чишенми тор диде ул, тиз тиз киенеп.Башым авыртып тора, икәү бергә һава сулап керик әле.
Урамга чыгуга Айсылу кызын култыклап алды.Әйдә,түбән очны бер әйләнеп меник әле, диде ул, аяк астындагы карны шыгырдатып.Ии, бигрәк саф, рәхәт һава.Йөрисе дә, йөрисе.Йолдыздарны мин әйтәм, кара әле,ничек чекерәеп торалар.Суытыр наверно.
Гөлнара әнисенең сүзләрен гүя ишетмәде дә.Әни, мин авырлы, дип өздереп Айсылуга карады.Күңел юкка болганмаган.
Кызының шулай кәефсезләнеп, тиз арада нигә кайтып керүен ана йөрәге аңлап алган иде инде.
Теге песи ышанмыймы?диде ул,Гәрәйгә ачуы килеп.Терсәген бер тешләр әле, соң булуы бар.Һеей,син аны бездетныйны,бәтинкә башы.
Әнисенең сүзләрен ишетеп, көннәр буена беренче тапкыр көлеп җибәрде Гөлнара.
Синең янда, әни, елыйсы кеше дә көлә бит, диде ул атлый-атлый.Ничек шулай шат күңелле булып була ул?
Шатланмыйм да, көлмим дә, кызым, диде Айсылу җитди генә.Сиңа гына шулай тоеладыр.Теге песине сүгәм бит.Сөенәсе, шатланасы урында, селәгәен агызып утырган буламы.Кемнән булсын ди инде ул бала, я, кемнән? Әллә, Гөлнара?
Нуу, әни, син дә,әллә нәрсәләр уйлап чыгарма инде яме!Гәрәйдән башка берәүгә дә хәттә,күтәрелеп тә карамадым бит,әни.
Үзе нәрсә, ди соң нәчәлник кисәге.
Нәчәлник кисәгеме? Син хыянәтче, ди.Минем балам булуы берничек тә мөмкин түгел, ди.
Иии, тиле бәрән орлыгы чәйнәгән нәрсә!Үшән, кирлемән..Сүзем юк..
Ярар,әни,ярар.Баш бетмәгән бит.Барыбыз исән саулар, Аллага шөкер.Фатирым бар,эшем дә хәзергә бар.Бер баланы үстерербез әле, әни.Барыбер башка кеше кияүгә алмас, хет балам булыр.
Әйе, Гөлнара,фатир вакытында булды.Ярый әле,энеңә бүләк итәм, дип ташламаган идең.Читен булыр иде.Ә болай, әтиең белән киңәшләшик тә, иртәгә үк карават, шкафлар алырбыз.Яши яши калганнары да булыр.Икесе ике төрле колаклы балаң гына исән сау тусын.
Колаклары чурт с ним, әни!Күзләре кылый була күрмәсен, диген син.
Булмас, Гөлнара,булмас Аллах бирса.Үзең кебек бик матур бер кыз бала туар Ходай кушып.
Әни,син мине ачуланмыйсыңмы?Казанга киткәндә бик әйбәтләп әйткән идең югыйсә.Менә бит..Теге песи, минем балам булмый дип текелдәгән иде .
Ярар, балам.Текелдәсә,текелдәп торсын.Гомер дә узып бара,бала алып кайта алсаң бик әйбәт.Башкага кияүгә чыкмыйм дисәң,үзеңә бер иптәш булыр.Ә теге кирлемәнгә ялына күрмә,Гөлнара.Яныңа ялынып киләчәк әле ул.Әбизәтелне киләчәк.
Әнисе белән сөйләшкәннән соң, җиңеләеп калды Гөлнара.Үз үзенә ышаныч, яшәү дәрте артты.
Ярар, димәк бу минем күрәчәк, дип уйлады ул.Язмыш Гәрәй белән аерды, аның каравы бала бүләк итте..
+24 °С
Дождь
